شويه نكت على الماشى كده

..شويه نكت على الماشى كده يارب تعجبكو
************************

_فى مرة واحد صعيدى اشترى مجلة فقرأ فيها كيف تقود الطائرة فقال والله لازم اجرب فطلع الطيارة واتبع تعليمات المجلة طبعا الزرار الاحمر لفوق والاخضر تحت والبنى يمين والازرق شمال فمل من الطيران فقال خلاص انزل بقى فجة عشان يتبع تعليمات النزول بيقلب الصفحة فى المجلة فقالتلوا اذا اردت الهبوط انتظر العدد
القادم.

================================

_شوية رجالة قعدين وبعدين واحد قال عايزين نعرف مين فينا سي السيد في بيته كلهم رده لا ياعم احنا غلابة لا واحد قاله انا سي السيد في البيت قالولوا ازاي قالهم كل يوم بصحي مراتي تسخن لي المياة قالولوا ليه قالهم يرضيكوا اغسل المواعين بمياة سقعة.

================================

_حرامى دخل شقة ليسرقها فالقى واحد ومراتة فسال مراتة اسمك اية قالتلو مديحة قالها انا مش هقتللك علشان اسمك على اسم امى الله يرحمها وسال زوجها اسمك اية قلو ابراهيم وبيدلعونى بيقوللى يامد يحة.

================================

_عريس بيقول لعروستة لازم تعرفي ان كلمتي في البيت زي الساعه بصتله بنظرات غضب...قالها يعني لا بتقدم ولا بتأخر.

================================

_مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب.

================================

_بابا نويل بيوزع هدايا على الاطفال فى راس السنة وشاف بنت حلوة عندها 25سنة فاعطى لها هدية فقالت لة شكرا بابا نويل قلها نويل بس بلاش بابا.

================================

_واحد قتل حماته، الظابط بيسأله اسمك ايه؟
قاله: اكتب فاعل خير.

================================

_مساطيل مش عارفين يعملوا ايه قرروا يتخيلوا نفسهم سجاير و يحاولوا يطفوا السيجاير دى واحد راح تحت المية وقال تيش انا اتطفيت ووااحد جاب الشبشب وضرب على دماغة و قال انا اتطفيت وفى واحد رما نفسه من البلكونة نزل على واحد تانى مسطول قال ...احرقونا بقا.

================================

_مسطول بيعاكس واحده سوده بيقولها بموت فى البيبسي راحت تفت عليه قالها ياااااه وكمان بتفورى.

================================

_البوليس عمل كبسة على شوية شمامين و لفت نظره ان فيهم عيل صغير قوي واخد ركن لواحده وعمال يسحب , فقام مقرب منه و سأله: و الشمام الصغير اسمه ايه؟ قام الواد رد عليه و قاله : كنتلوب يا باشا.

================================

_واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها بأبحث عن تاريخ إنتهاء العقد.

================================

_مرة واحد كان ماشى مع مراتة واحد عاكسها فا قلها زوجها لو شافوكى فى الهند كانوا عبدوكى قالت لية يا حبيبى شيفينى ملاك قال لها لا بقرة.

================================

_مرة واحد بيعدي الشارع مع صحابه خبطته عربية مات نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب..."

================================

_مره واحد بيموت فجمع عياله علشان يقول وصيته وقال لهم انتوا لازم تبقوا قيد واحدة وطول ما انتوا ايد واحدة مفيش قوه هاتقدر عليكم واعطى الابن الكبير منهم عصاية فكسرها فاعطاله اتنين فكسرهم فاعطاله 50عصاية راح كسرهم قالهم شوفتوا طول ماانتوا معاكم البغل ده ماتخفوش على نفسكم ابدا.

================================

_واحد بلديتنا أشترى عربية بتمشى بالكلام أتوماتيك يقولها سترك يا رب تقوم تقف ويقولها الحمد لله تقوم ماشية ..فرح ونزل بلدهم بيها وكل شوية سترك يا رب تقف الحمد لله تمشى وهكذا لحد ما فجأة لقى ترعة أدامه نسى الكلمة والترعة تقرب تقرب وهو ناسى ومرعوب وعلى أخر لحظة راح قايل سترك يا رب راحت العربية وقفت على أخر لحظة على خط الترعة راح قايل ياه ه الحمد لله.

================================

_واحدة ست راحت للدكتور قالته يادكتور إبنى مبياكلش كويس قالها طيب بيفطر إيه قالتله ياعين أمه ياعين أمه بيفطر20بيضة بس قالهاطيب بيتغدى إيه قالتله ياعين أمه ياعين أمه30فرخة بس قالها طيب بيتعشيه إيه قالتله ياعين أمه ياعين أمه ورك خروف بس رد عليها وقالها ياعين أمه ياعين أمه كمان شوية ياكل الدكتور وأمه.

================================

_الولد اتأخر على المدرسة فالمدرس بيسأله اتأخرت ليه قاله اصل بابا بيضرب اخويا، قاله طب وانت مالك، قاله بيضربه بجزمتي!

================================

_واحد أخنف حظه وحش قوي وقع في حفره و فضل مستني لغاية ما واحد جه و على حظه كان أخنف برضه الأخنف اللي فوق قال
استنى شوية .. حاطنّنعك دنوأتي قاله نببنا يخننيك بسنعة .. قال له
و كمان بتتنيأ ؟؟؟ طب شوف مين حيطننعكّ.

================================

_استاذ بيسأل طالب ايه هو اسرع حيوان في العالم الطالب: الفيل
الاستاذ:الفيل ياغبي ياحمار ياأهبل انت اسمك ايه يالا
قاله تامر قاله ابوك بيشتغل ايه قاله وكيل نيابه الاستاذ
قاله والله يابني هو ممكن يبقى الفيل بس لو شد حيله شويه.

================================

_بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا.

================================

_أتنين مساطيل ركبوا أتوبيس بدورين اللي فوق سأل اللي تحت: انتوا ماشيين بسرعة كام؟ قالوا 80 وانتوا ؟ قاله: إحنا السواق مجاش.

================================

_اتنين مساطيل ماشيين على سطح بيتهم واحد وقع فى الخزان ....التانى راح استناه عند الحنفية.

================================

_واحد مسطول ماشي في الشارع لقى عمود نور مكتوب عليه شقه للإيجار راح قعد يخبط على العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه للإيجار قعدت اخبط ومحدش فتح لي قاله غريبه مع ان الجماعه منورين النور فوق.

================================

_واحد غبي راح يخطب الأب قاله البنت لسه فى المدرسة رد عليه الغبي وقاله يعنى أجيلها بالليل.

================================

_واحد ميكانيكي فتح مصنع شيكولاتة سماه كالاكسى.

================================

_سواق راح يحلق الحلاق بيسأله : عايز شعرك إزاى؟؟؟ قاله: فى إى حته على جنب.

================================

_مرة اثنين عندهم كلاب صيد صاحب الكلب الاول أول ما يضرب طلقة من البندقية يجرى الكلب ويروح يجيب الفريسة
والثانى أول ما يضرب الطلقة كلبه يكّش فنصحة صاحبة انه يروح أفراح في الارياف، فالكلب هيتعود على صوت البندقية راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية راح الكلب وقف على رجله وقعد يزغرط.

================================

_واحد صعيدي عايز يغش في الشطرنج اتعلم يقرص علي الزهر.

================================

_واحد صعيدي وقع في حفره نزلوله حبل طلع مخنوق.

================================

_ثلاثة صعايدة قرروا أن يعملوا مزرعة كتاكيت فحفروا حفرة ورموا فيها الكتاكيت وردموا الحفرة واستنو يوم .. يومين.. ثلاثة وشجرة الكتاكيت مطلعتش، جربوا مرة تانية ومفيش فايدة فقررو يبعتوا أخوهم اللى بيدرس في أمريكا و بيحضر دراسات عليا. فقال لهم ابعتو لي بعض العينات من التربة.

================================

_صعيدي مراته ولدت تؤام حلف علي الدكتور لاياخد واحد.

================================

_صعيدي اعمي فتح من الفرحه اتشل.

================================

_مره واحد كان عنده ديدان في بطنه و داخ عند الدكاتره و مالقيوش حل فا راح لشيخ و قاله علي مشكلته فالشيخ قاله:ما تقلقش دي بسيطه انت تشتري بطيخه حمراء و حلوه و تقطعها و تقعد عليها يقوم رئيس الديدان ينزل يدوقها يلاقيها حلوه يقول يا شباب انزلوا.المهم الراجل عمل زي الشيخ ما قاله فانزل رئيس الديدان و داقها و قال:شباب..........طلعوها.

ههههههههههههههههههههههههههههههههههه جامدين اوى

جامدين جدااااااااااااااااااااااااااااااااااااااااااااااااااااااا

شويه نكت على الماشى كده 844732603

Hitman

THANXXXXXXXXXXXXXXXXXXXXXXXXXXXXXXXXXXXXXXXXXXXXXX XXXXXXXXXXX

عوزين جديد يابوب

تسلم ايدك فاااااااااااااااااااااااااااااااااااعل خير اخوك محمد وائل

منور يامحمد عوزين نشوفك