شعر جامد طححححححححححححححححححن

عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال


بلاش المناكفة و لايم و عيش
هتتعب معانا و سهمك يطيش

نلفق لاهلك قضية حشيش
و تصبح حكاية و نكتة و مثال:


تعالى و هاودنا و عدى الامور
و عيش فى الطراوة و خش الطابور
لكن لو هتزعل و دمك يفور

هنشهد نهايتك فى بحر الرمال



هتصبح حرامى هتصبح امير

هتصبح حرامى و ندل و اجير

و نقدر نلخبط فى اصلك كتيير
و جدك شحاتة هيصبح شحال



هنحلف ان الحبايب شافوك

بتقبض يا خاين و تقتل اخوك
ساعتها مراتك هتلعن ابوك
و تلطم و تنعى احط الرجال


مالكش انت دعوة بى ايه اللى ضاع

و مين اللى شارى و مين اللى باع
و مين اللى كيل و مين اللى شال



فلازم يا صاحبى تغمض عنيك

و طنش علينا نطنش عليك
و اياك تشاور نقطع ايديك