طريقة عمل الشورما بالبيت بالصور

المقادير

1- صدور دجاج الكميه الي تحتاجيها
2- نص كاس زيت زيتون
3-نص كاس عصير ليمون واذا يزيد افضل بعد
4- بهار اسود او ابيض وفلفل احمر وملح
5- واذا تحبي حطي علبة روب زبادي

للعجينة:
3 كاسات طحين
كاس وربع ماء
ملعقه كبيره خميره فوريه
شوي ملح وملعقه كبيره سكر
بيضه

السلطة :
خس مفروم
طماط مقطع اختياري شرائح او مكعبات
مخلل خيار
صلصة
طحينه وشطه وماء مقادير انتي تحدديها

طريقة عمل الشورما بالبيت بالصور Bdwqcg

الطريقة :-

1- نحط الدجاج في حافظه نصب الزيت والليمون
والبهارات والملح والزبادي ان حبيتي
ونتركهم بالثلاجه يوم كامل افضل واحسن

طريقة عمل الشورما بالبيت بالصور 2l2dxe

2- بعد يوم من نقع الدجاج في الخلطه
3- نضع صدور الدجاج على صاج او مقلى تيفال
ونقليه مع شريحة زبده حوالي ربع الزبده ونشويها من
الجهتين شوي تتحمر مو شرط تنضج بالكامل

طريقة عمل الشورما بالبيت بالصور 4joyth

4- نقطع الدجاج شرايح مستطيله بعد التحمير الخفيف
5- ونعودها في المقلى ونقليها بالزبده
6- نظيف عليها شوي ملح وبهار حسب الرغبه الي انتي تبيها والطعم

طريقة عمل الشورما بالبيت بالصور 2lwpvn7

7- نتركها على جنب ونشتغل بالخبز

طريقه عمل الخبز:-
1- نخلط الطحين والملح والخميره والسكر والماء
2- نتركها ساعه كامله ونص لين تخمر العجينة
3- المقدار راح يكفي 15 خبز قسميها بالتساوي 15
راح يكون رقيق لا تخافي يخترب عادي لمن تخبزيها

طريقة عمل الشورما بالبيت بالصور 20fb3a0

4- بنحتاج صاج تيفال او اذا ما عندكم مو مشكله في مقلى تيفال مو مخدوش او شي حتى ما يحترق الخبز
5- نفرد العجينه الي قطعناها وكورناها وفردناها مو مهم يكون دائري تمام الي يصير خفيف
6- نخبزه وبين كل خبزوخبز لازم ننظف الصاج حتى ما يحترق الخبز ويصير اسود ومر طعمه

طريقة عمل الشورما بالبيت بالصور 71qtmv

7- بعد ما خبزناهم طبعا

ولو يكون على الفحم بيكون أفضل

طريقة عمل الشورما بالبيت بالصور 332bjw7

8- ناخذ الحين الحشو ونحط الخس والصلصل والمخلل ونلفها عادي

طريقة عمل الشورما بالبيت بالصور 2ryj2md

9- الشكل الاخير لها

طريقة عمل الشورما بالبيت بالصور 2udz0ud

بألف عافية