رغيف العيش والسوق السوداء

حاجة غريبة جدا ومخجلة يا جماعة توجهت يوما الى فرن العيش بالقلج تخيلوا ايه اللى حصل علشان ااجيب ب 2 جنيه عيش طلب منى اللى بيبيه العيش نص جنيه زيادة طبعا ليه معرفش اكيد اتاوة وبالطبع رفضت ادفع النص جنيه دا بس المشكلة مش فى انا فى كتير من الناس عندهم لا مبالاة بيدفعوا طبعا علشان يخلصوا ويخدو العيش دى بقت سوق سوده وايام اسود كل افران القلج بتعمل كده ياريت يا جماعة نشتكى مش لازم نسكت دا حرام هى الناس ناقصة ومحدش يقولى النص جنيه مش هيفرق الوضوع مش بس كده دا نصب واستغلال لحالة الناس الغلابة ارجو رد على الموضوع للاهمية

بسم الله
للاسف فى ناس كتير بتشجع على السرقة والغريبة انهم انفسهم الضحايا
لما نكون فى ميكروباص ويحصل استغلال تلاقى نفسك الوحيد اللى بتتكلم والباقى اما ساكت او مع السواق بنفس الكلام الفاشل
هى جت على الربع جنيه ولا غيره
من الطبيعى ان الحرامى لما يلاقى السرقة سهلة يسرق
انما مش طبيعى ان المسروق يشجع السارق على سرقته

بجد يا سروجى ولا ده حادث فردى اصل انا مابروحش الفرن ياريت فهمنى ايه اللى بيحصل بالظبط وتقولى فرن ايه اللى بيطلب فلوس من الناس وليه الزيادة يعنى علشان يديلك ب 2 جنيه على بعض وهو ممنوع حد ياخ ب 2 جنيه مرة واحدة واللى بيشترى بجنيه بردوا بيطلب منه زيادة ارجوا الافادة وعلى العموم هو مش مفروض انه ياخد ذيادة اساسا

السلام عليكم
لو الوحد حط كل حاجه في دماخه هيمشي يتخانق مع كل واحد يقلو بس
ولو الحال اتخير بالكتير 15يوم والوضع يرجع كما كان
اصبح الاهتمام بي المشاكل حل موقت وليس دائم