نكت كده على الماشي

واحد غبي .. حط أيده في علبة فيها مية نار حس بأن واحد من صوابعة اختفى ... حط راسة في العلبة علشان يدور علية
ــــــــــــــــــــــــــــــــــــــــــــــــــــــــــــــــــــــــــــــــــــ
مره واحد صعيدي بيقول لصاحبه نتقابل يوم الاثنين أن كان لينا عمر
فقاله وان مكانش لينا عمر
قاله خلاص نتقابل يوم التلات
ــــــــــــــــــــــــــــــــــــــــــــــــــــــــــــــــــــــــــــــــــــ
واحد مدمن بانجو كان معاه 150 جنيه اقعد يقول 50 جنيه للسكن و50 للأكل و50 للبانجو الباب خبط قال مين قالوا بوليس راح مقطع ال50 جنيه بتاعة البانجو
ــــــــــــــــــــــــــــــــــــــــــــــــــــــــــــــــــــــــــــــــــــ
مرة اثنان مساطيل واحد ييقول للتانى انا ندل قلة انا ندل اكتر منك قلة لا انا اكتر شوف راح ضرب ست عجوزة وراحلة وقلة شوفت بقى أنا ندل اذاى أقلة انا ندل اكتر منك لان الست دى امى
ــــــــــــــــــــــــــــــــــــــــــــــــــــــــــــــــــــــــــــــــــــ
مرة حرامي سرق تلفزيون من بيت واحد غبي، جرى وراه الغبي علشان يعطيه الرموت
ــــــــــــــــــــــــــــــــــــــــــــــــــــــــــــــــــــــــــــــــــــ
طلع مجموعة صيادين يصطادوا وكل ما يصطادوا حاجه كلابهم تجري تجيب الفريسة ما عدا كلب واحد بيخاف من صوت الرصاص فقالو لصاحبو خده الأفراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني ولما اصطاد الفريسه الكلب اعد يزغرط
ــــــــــــــــــــــــــــــــــــــــــــــــــــــــــــــــــــــــــــــــــــ
واحدة ضاع ابنها الناس قالوها ماتخفيش الحلال مابيضعش قالت يالهوى ضاع الولد
ــــــــــــــــــــــــــــــــــــــــــــــــــــــــــــــــــــــــــــــــــــ
ندل راح المقابر شغل شريط الحياة حلوة
ــــــــــــــــــــــــــــــــــــــــــــــــــــــــــــــــــــــــــــــــــــ
لغز؟؟ شيء له جناحين وما يطير، له عينين وما يشوف ، له رجلين وما يمشى..يا ترى أيه هو؟؟ عصفور ميت
ــــــــــــــــــــــــــــــــــــــــــــــــــــــــــــــــــــــــــــــــــــ
واحد أسمه نادر أتجوز واحده اسمها فريدة , خلفوا عيل مهدد بالأنقراااااااااض
ــــــــــــــــــــــــــــــــــــــــــــــــــــــــــــــــــــــــــــــــــــ
واحد كهربائي أتجوز أربعة.......جابلهم مشترك
ــــــــــــــــــــــــــــــــــــــــــــــــــــــــــــــــــــــــــــــــــــ

بياع جرايد ماشي ف جنازة أبوه عمال يقول "اقرأ الفاتحة اقرأ الفاتحة
ــــــــــــــــــــــــــــــــــــــــــــــــــــــــــــــــــــــــــــــــــــ
مدرس إنجليزي بيسأل تلميذ "جوز هند بالإنجليزي يعني إيه؟" قال له "كوكونت"، الأستاذ قال له "حطها ف جملة مفيدة" قال له "كوكونت من الشباك.
ــــــــــــــــــــــــــــــــــــــــــــــــــــــــــــــــــــــــــــــــــــ
مدرس جغرافيا جاب لمراته هدية سلسلة جبال
ــــــــــــــــــــــــــــــــــــــــــــــــــــــــــــــــــــــــــــــــــــ
واحد بيقول لصاحبه : اخويا استشهد في الحرب .
الثاني قاله ازاى ؟ أجابه : كان بيسوق طائرة هليكوبتر فشعر بالبرد...راح وقف المروحة ..
ــــــــــــــــــــــــــــــــــــــــــــــــــــــــــــــــــــــــــــــــــــ
فيه واحد بلديتنا لمّ قرشين وراح مسافر بلاد بره ..لما وصل قعد يدور على اوتيل ملقاش فنام جنب حديقة فسرقوا فلوسه وقصوا كل شعره ...فلما قام ملقاش الفلوس فأعد يعيط فحط ايده على رأسه ملقاش شعره فقال : الحمد لله مش أنا..
ــــــــــــــــــــــــــــــــــــــــــــــــــــــــــــــــــــــــــــــــــــ
واحد بلديتنا برده راح مطعم في فرنسا. كان عايز يطلب طبق شوربه قال للجرسون: "جارسو أنا عايز واحد شوربو" فاجاب الجرسون: باردو؟ قال الراجل لا وحياتك سوخنو..

أيه رأيكم بقى ؟؟؟
ياريت تسيبوا ضحكة حتى .. حسسونى ان النكت حلوه و لا هي بايخة و لا أيه بس