بجد المره دي مش هزار عاجل جدا الى ابناء وشباب القلج

لو الواحد حب يعمل استفتاء في القلج على شخصية نحب نرشحها الى مجلس الشعب ونقف وراها بس يكون واحد بس ياريت الى عنده حد يطرح اسماء ونحاول مع بعض نقف مع واحد وننجحه

الموضوع مهم وعوزين وقفه اما اشوف شباب القلج هيعمل ايه في الحكاية دي
ونطرح اكثر من اسم حتى لو هو مش عاوز يرشح نفسه نشوف لو واحد يستاهل ونعرف انه ممكن يعمل حاجه ممكن نعمل حمله شعبية ونرشحة قولو يارب القلج يبقي فيها عضو لعل وعسي تشوف اي خدمة مجرد رؤي العين

رضوان الزباتى انا بحبه اوى وحاسس انة لو دخل ممكن يعمل شغل جامد جدا بالعلاقات بتعتو علاقاتة جامدة جدا برة

ماشي احنا بنطرح اراء بس عاوزين ناس جديدة ونقارن ونقدر نقول نقف مع مين ياريت كذا اسم مش واحد بس وبالتوفيق للجميع

راضوان وبسسسسسسسسسسسسسسسسسسسسسسسسسسسسسسسسسس ومفيش حد تانى اعرفة كلهم فشلة

يابني مقلناش حاجة في حد كل الناس خير وبركة ياراجل يابركة بس بنقول نطرح اسماء طيب رضوان فئات والعمال دور بالعقل مش بااطفة يابوزريق كلنا حبايب وولاد بلد واحده في الاول والاخر ولازم نبقي ايد واحده ان ما كنش النهارده يبقي بكره والبقاء لله في وفاة المستشار ابراهيم النمكي اهو الرحمه متجوز الا على الميت وربنا يرحم الجميع وله القلج فيها كفاءات كتيير ولسه يابوزريق

زى مين قولى انتة انا عوزك انتة تقولى

انا قلتلك قبل كده انا بقالى فترة سايب القلج ياباشا بس لو دورت هتلاقي

وعادي رضوان محمد صدقي المهم يكون فيه واحد من القلج بس الاراء تجتمع وفين مشاركات حبايبنا اعضاء المنتدي ياعم محمد مش معقول مفيش حد بيحب البلد ولا ايه الحكاية ايد واحد متنفعش كلنا لازم نكون قوه واحده

كلامك عال وزي الفل فعلا انا اقصد كده بس مش عاوز اقول ان فلان اوعلان اداؤه ضعيف وللغاية وتلاقيني قلت قبل كده سيبكم من المشاعر المهم الى هينفع البلد بجد شوفوا على سبيل المثال قرية الخصوص من قرية تابعة للوحدة المحلية بالقلج الى مدينة الخصوص ومنقلش ان محدش نفع من الاعضاء السابقين في الدائرة الى مش هينفع بلده محدش هاينفعها ياجماعة لازم يكون فيه عضو من القلج يقدر فعلا ينفع البلد عامة ومش القرايب خاصة ولا نفسة واولاده وبس والقلج فيها خير دليل على ذلك لازم نقف كلنا ورا واحد ونقول لا للمصالح الشخصية نعم لمصلحة البلد فقط مصلحة ان شرب مياه نظيفة ان يقضي على البلطجة والمخدرات ان يتم انشاء ملاعب للشباب بدلا من القهاوي ان يكون هناك فعلا كافتريات تسمي الشباب وليس بها الحشيش والمخدرات ان يكون هناك صالة افراح ان يكون له دور في بناء وتشريع قوانين مصر باكملها مش يقعد جنب زكريا عزمي على شان الكاميرا تجيبة وتزهره للناس انه بيحضر الجلسات يالله ايد في ايد نبني البلد ونعمر بدلا من الخراب السائد والمجاملات والحسب والنسب واصحي يابلد

وفعلا موضوع القبلية ناس ماشية مع مصلحتهم وبس مش مصلحة البلد يقولو رشح فلان وانتخب علان وهما في الاصل الواحد كرهم وحفظهم وعلى فكره انا اكتر واحد عشت هذه المهازل لوجودي معظم فترات الوقت بينهم وفعلا لا يتفقوا على واحد ابدا كلها مصالح ابن عمي وفلان قريبي وعلان مش عارف ايه اسمها فئة الضلال بالقلج ويارب نقف مع بعض احنا بنطرح الموضوع ده للمنتدي لعل ان يكون له تاثير على كل هذا والناس لو اجتمعت على واحد فعلا هيكون عضو وهينجح ان شاء الله اصوات القلج مش قليله ولازم كل واحد مننا يدور على اسمه في جداول الانتخابات وهو الى يصلحة بنفسة قبلها مش يستني المرشح ونجرب سنة واحده نخرج يابلد ان شالة نخرج ورا اهبل واحد بس لازم يكون فيه مكانه للقلج الى هي اقدم كل القري والمدن التى سبقتها وربنا يوفق يارب

ياعم وائل الناس الى من برة القلج مش بتعمل حاجا للقلج بتعمل للمكان الى هى منها

طيب ياحماده مهوا ده الى انا بقوله انتا مفهمتنيش صح بس بقولك ان كل واحد بعمل لبلده طبعا ودي حاجه اكيده 100% ونتمني ان يكون عندنا واحد يعمل برده لبلده

ايه المشاركات وقفت عند هذا الحد فينكم ياشباب القلج من ترشيح عضو يمثل قريتنا في البرلمان قرية القلج التى لاتزال قرية رغم ان القري المجاورة بقت مدن بسبب ايه اصحو بقي

ايه الحكاية ياعم حسام معقول البلد مبقاش فيها حد يهتم بالامور دي المنتدي قارب على الخمسين عضو من الخمسين ثلاثة اعضاء ممكن يهمهم الموضوع ياخسارة يابلد فعلا كل واحد يقول يالا نفسي ربنا يستر على الى جاي

والله مش عارف ياعم وائل لية احنا بقينا قرى مع انى القرى بقيت مدن واحنا اكبر من المدن دى بكتير ولة اية رايك

طبعا اديك شايف الخصوص وبكره سرياقوس ولا ابوزعيل على فكرة ابوزعبل الى الان مش مدينة وغيرها وغير ها ولسه ياما هنشوف العجب بسبب ايه العناد بتاع البلد وعدم الاتفاف والاتفاق على واحد حتى لو كان سيد العبيط ولو ان محدش بقي عبيط اليومين دول بس واحد من القلج لعل وعسي ان تكون في يوم مدينه ولها شانها ولا رائيك ايه ياباشا بس المنتدي مش معقول محدش مهتم بالموضوع ده ايه الحكاية

ايه يازياتي مرديتش عليا ليه ولا الموضوع مظهرش

انا راى ان القلج لسة قرية زى ما هى علشان مفيش حد بيخاف عليها او يعنى بيمثلها فى البرلمان لو فيها حد فى البرلمان كان زمانها بقيت مدينة زى الخصوص والخانكة ولة اية رايك

طبعا ده اكيد لو القلج ليها ظهر كان زمنها بقت مدينة لان القلج فيها ناس واصلة كتير مش قليلين في البلد وعندك مثلا المستشار بخيت الحادي والاستاذ سعيد عمارة ده لواحدة يعمل بلد كاملة بس هوش قاعد في البلد بس انا اعرفة كويس دا بيخدم المحافظة بالكامل بجد مش تهريج والله راجل بجد عشرة على عشرة بس للاسف الشديد مش عاوز البرلمان والى فيه لانه اكبر من كده بكتيير وفيه كمان الاستاذ الدكتور عدلى تاج الدين راجل بجد مفيش حد يختلف عليه بس يقول اه على الترشيح واراهن لو وافق انه ينجح نجاح كبيير بس للاسف هو لا يريدها وخليني ادور اطرح اسماء تانية لعل ربنا يسهل ولا قي حد يساعدني في المنتدي لمناقشة اسماء ممكن نعمل حاجه للبلد بداية جميله حتى لو مش السنه دي اكيد هتكوووووون باذن الله البلد في رقابنا هو ده الشعار الى لازم الشباب تحمله على عاتقها

طيب ولية الناس دى بجد مترشحش نفسها فى البرلمان بجد هتكون حاجة كويس اوى هى اة ناس بتحب تخدم من برة بس بردة لزم ترشح نفسها لزم يكون في حل

مهو ده الى الى واحد بيدور عليه ان لو الاراء اجتمعت على واحد ممكن حبا في البلد يرضي يرشح نفسه بس المهم ان نشارك من الان بالاراء لان على فكرة لسه فاضل سنة على الترشيح للانتخابات لعل الله ان يهدي الامور ونحصل على مرشح يمون ثقة ربنا يوفقك وياريت نغير الوجوه المألوفة علينا الى ان يرحمنا الله لهما ناجحين ولا سايبين البلد في حالها بجد حاجة تزهق من الناس دي

يارب يتفقو على واحد

ياباشا اذا كان في المنتدي تقريبا محدش بيناقش الموضوع ده غيرنا ولا ايه معقول كده مش عارف ايه الحكاية ربنا يسهل ويكون فيه اراء تانية