بجد المره دي مش هزار عاجل جدا الى ابناء وشباب القلج

اشطة الموضوع وقف على كده

اكيد لان مفيش حاجة تانى زى ما قولت غيرنا

ايه ياعم وولف الموضوع ده مفتحتوش معانا ولا لسه ما قراتوش احب اشوف رأيك وصباح الفل

ماشي ربنا يوفقك

امال اية ياوولف ليك فى اية انا احب اعرف فى الكويت بس

انك ملكش فى السياسة عوز اعرف ليك فى اية

اكيد كل الناس فهمت خلاص انتة ليك فى اية ههههههههههههههههههههههههههههههههههه ماشى ياوولف مش هتخدنى معاك فى خروج من الخروجات دى انا عوز اخرج

طب نقول احنا عيزين نعمل ايه الاول وبعد كده هو هيقدم نفسه -اولا مشكله الناموس-ثانيا مشكله المياه-ثالثا مشكله المواصلات والتخلفات اللي بيتحصل في المرج الجديده من البائعين ومن السواقين-رابعا مشكله نادي القلج اللي بقي مركز افراح القلج ومفيش حد بيلعب كوره ولا حد بيمارس رياضه بشكل موضوعي-خامسا مشكله العيش في البلد يسمحو للافران تفتح او يزودا عدد الحصص المخصصه لللافران لان حرام كل شخص يكون له 3 ارغفه فقظ -سادسا مشكله الخط الثاني لمترو الانفاق بالمرج الجديده اللي بقاله 6 سنين او اكتر ومشتغلشي وده بياثر علينا جدا وانتو عارفين بس مش حسين-والقائمه تطول قولو وكملو انتم المهم مين يقدر علي ده مش المرشح ده عسل وده كويس وخلاص وطبعا وطبعا مع كامل احترامي للمرشحين كلهم وياريت تردوا وتتكلموا اني منتظر

مع كاااااااااامل احترامي ل عبدالله عليوه احنا وقفنا معاه او بالاصح تعاطفنا معاه عشان قولنا هو ده اللي هيربي الحكومه المهم عايزين نحس بيه في كل مطالبنا يا جماعه لان في رائي الاخوان نجحوا مشعشان هما الحل لا والله عشان الناس اتخنقت بس ونجحت اللي هيضايق الحكومه وخلاص هو ده رايئي يا عم وائل يا عسل

انا مع الراجل دة ايدى فى ايدة كل دى مشاكل لزم تشوفلها حل ونحلها نقدم طلب والقلج كلها تمضى علية بكل المشاكل دى ونقدمها لعبد الله عليوة او للمحافظة وحسام شاهين يقدر يعملنا دة نكتب طلب ونمضى علية كلنا نمضى البلد كلها علية وحسام معاية فى الموضوع دة ياريت تقولو رايكو

اية رائيكم ياجماعة نعمل في منتدنا موضوع عن مطالب القلج وعليا انا ابعت رسالة الى النائب ونشوف يقدر يحل ولو جزء منها ولا لا وبكده يكون اختبار حقيقي من شباب القلج يالله ايدي في ايدكم وانتو موجودين في القلج نعمل الموضوع ده ياللا نبدأ واطرحو المواضيع اشوفكم على خير يارب وشكرا على مشاركة الاخ يارب نكون عند حسن ظن البلد فينا كشباب يخاف على البلد ولنبدأ من اليوم

تسلم بجد انتا بعت اكثر واغلب المشاكل ان شاء الله هبعت الرسالة زي ما قلت على الاميل للنائب بنفسة ونشوف الرد وانشرة في الموقع ربنا يوفقك

هما دول يامحمد اكتر المشاكل واهم المشاكل الى موجودة فى القلج ياريت بجد لو تكلم جد لو تبعتلة رسالة على الميل وتقولى ونشوف حل فى المشاكل دى

بسم الله
فى كمان القمامة المنتشرة فى كل مكان
فى البطالة

والنادى الى عند المدرسة الثانوى دة يشوفلة حل ويتعمل كويس ونلعب فية كروة ونخلى النادى التانى بتاع شباب القلج نخلية افراح بس يعملة الى عند المدرسة الثانوى

بسم الله
هو دا الكلام محمد زريق
نتعاون جميعا فى تحديد المشاكل ونحصرها
وبعد كدة نشوف تتحل ازاى
ومفيش مانع اننا نحاول نتعاون ومننتظرش حاجة من الحكومة وممكن نحقق بعض الحلول لمشاكلنا

فى حاجات كتير احنا ممكن نحلها من غير ما تستنة ما الحكومة تعمل حاجة النادى دة احنا ممكن نعمل ومشكلة القمامة وحاجات كتير احنا ممكن نعملها ونشوفلها حل

انا شايف ان مشاكل القلج سهلة حلهاجدا بس عايزين نقعد مع بض ونتد ونحدد المشاكل فى نقط ونوجد الحل بتاعا ممكن يكون ازاى وهى دى فكرة المتدى والحمد لله العدد دلوقتى ذاد وبقى فى مشاركات كتير وانا عملت مجموعة اسمها الحملة الشعبية علشان نقسم نفسنا ونشتغل على موضوع موضوع يعنى مثلا ممكن نقول هانشتغل على مشكلة المية يبقى مجموعة مننا تبدا تبعت فاكسات او ايميلات للوزارات المختصة وكمان تكون حملة كاملة يعنى نبعت كمان للصحافة وانا ممكن افيدكم فى الموضوع ده جدا وكمان هاعمل منتدى خاص للشكاوى الخاصة بالقلج وبعدين ندخل على مشكلة الزبالة ودى طبعا مش محتاجةلا شكاوى ولا صحافة دى محتاجة حملة نظافة ومعاها حملة توعية ومراقبة ومتابعة ودى محتاجة حملة شبابية نوعى فيها الناس ويكون اسمها قلج نظيفة علشان بجدمشكلة التلوث دى اكتر حاجة وحشة فى بلدنا والتراب وانا عندى افكار كتيرة جدا فى الموضوع ده وكمان ممكن نعمل تغطية اعلاميه عن طريق المندى وناخد اراء الناس ونزلها بالصوت والصورة على المنتدى ونشجع الناس على النظافة واللى عايزيساهم فى المشروع ده يرد عليا ويقول رأيه و كمان يضم اعضاء جدد للحملة دى وشكرا
حسام شاهين

انا معاك فى الحوار دة نجيب كامرة ونمشى نعمل حوار بين الناس ونزلة على الموقع

بسم الله
اتفق معاك بس ياريت يكون فى تسلسل
يعنى الاول نحدد المشاكل ونناقشها
وفى نفس الوقت ننشر الموقع ونزود عدد الاعضاء لان دا العامل اللى هيشجعنا على نجاح اى مشروع
وعند وجود اعداد كافية نبدأ التنفيذ عن طريق تقسيمات منظمة ونحاول نحصل على اى تعاون من المسئولين قدر الامكان
لاننا لو اتسرعنا وبدأنا وعددنا غير كافى الاحباط هيكون النتيجة

طيب ما الشباب كتيررررررررررررررررررررررر واكيد هتلاقى ناس كتير معانا لو انتة قولت انا عوز اعمل كذا وكذا هتلاقى ناس كتيرررررررر

كلام جميل ياريت نبدأ بقى نختار موضوع واحد دلوقتى ورينا اقتراحتكم