بجد المره دي مش هزار عاجل جدا الى ابناء وشباب القلج

كلام جميل ياريت نبدأ بقى نختار موضوع واحد دلوقتى ورينا اقتراحتكم

مفيش حد بيقول ومفيش حد بيرد يالة ياعم وائل هتلقنا موضوع ونعملة

لا المواضيع كتير بس عاوزه ناس تشتغل ممكن نبدأ مثلا بموضوع الملعب الى عند الثانوي لية طالما انك في الوحده المحلية متعملش طلب ونبدأ نشوف حل لانشاء ملعب حقيقي ومركز شباب بلاش مركز شباب ممكن نعمل سور كبير بالجهود الزاتية على المكان نفسة بس طبعا انتا عارف بصفتك شغال في الوحده المحلية زي ما قلت قبل كده لازم الموافقة ياريت تعمل طلب وتلم توقيعات عليه او يوم عمل منظم مكون من مجموعة من الشباب لعمل حاجة بجد الافكار كتير بس عاوزة الى يطبق والصيف جاي قرب ممكن ده يتعمل بدل من السهر بتاع الشباب على القهاوي وبعد ممكن اكلم حد يعمل تصميم تمام للموضوع ده بحيث يكون موضوع اقتصادي يصرف على نفسه فيما بعد والفكرة ياعزيزي نعمل خارج السور مجموعة من المحلات بطول السور( زي سور نادي الزمالك كده هههه) بجد والله ملعبين ثلاثة بالطوول ويكون الملعب في وسط الطريقين طلايق ذهاب وطلايق اياب رايح جاي يعني والملعب والمحلات في المنتصف وبذلك المشروع يصرف على نفسة بس وممكن يتعمل بدون جهود ذاتية اعلان بسيط من الوحدة المحلية عن وجود محلات للايجار بمقدم بسيط ونلم المقدم ونبني السور والمحلات والايجار لمده عشرين اوثلاثين سنة واسعار كويسة 250 مثلا والمقدم عشرة الاف للمحل 3×3 متر شوف هتعمل كام محل ولا نحتاج كمان للجهود الذاتية المشكلة يامحمد ان الواحد بعيد لكن والله انا لو في القلج لاعمل محاولات عديدة لهذا الغرض يابنى دا مطلب لاولادي واخواتك وحبايبك الشباب الى مش هيلاقي غير مرتع المخدرات قدامة يالله نعمل حملة شعبية بجد ومستعد اتحمل مصاريف الدعاية لها كلها هتتكلف الف او الفين كل دي بسيطة في سبيل عمل الخير بس في النهاية الموضوع عاوز موافقات ودي ما اسهلها من المرشحين الى انتم والموضوع اتكتب عشانهم في الاساس يالله نختبرهم نقدم ورقة لمحمد صدقي هيكل ول رضوان الزياتي ونشوف مثلا مين الى هيجري ورا الموضوع ده ويجيب الموافقة ساعتها هيبقي قلبه على البلد بحق مشروع والله جبار وغير عادي ومش هيحتاج تبرعاتولا حاجة محتاج مخ بس وايد في ايد ويالله نبدا بطلب على النت مقدم لمن ترونه ولية مش نضم الاحزاب الوفدية معانا الاستاذ مصطفي البقلي والاستاذ محسن هاشم الناس الى بتترشح دي ولا هو ترشيح وخلاص بقت عاده ولا ايه يالله احب اشوف الردود على الفكرة دي هل فكرة كويسة ولا الدنيا خربانة بالافكار

يالله حط صيغة لطلب مقدم من الشباب بالقلج للناس الى قلتلك عليها واظبطه وابعتهولك على الاميل وعليك طباعته وارساله اليهم نبدأ نعمل حاجة كده بقي ولا كلام وكلام وخلاص ولو فشلنا الاسم حاولنا والفشل مرة واثنين مش كل حاجة ممكن تضرب وتبقي حاجة جميلة للبلد يالله اكتب الصيغة وابعتها ونشوف كده وياريت الاعضاء يشاركم معانا بالمواضيع وفي صياغة الطلب ورك يسهل بس ناخذ الموضوع بجدية شوية وبعدين نفتح مواضيع تانية كتير للنهوض بالبلد دا مفيش اكتر من الكلام ده في بلجنا ونقدر والله نعمل الكثير والكثير بلد المثقفين كما يطلق عليها مش قادرة على حل مشاكل بسيطة

والله ياعم وائل انا معاك وموافق يالة نبدا بس فين حسام هوة اكتر ممكن يعمل الموضوع دة ويمشى فية بجد فكرة روعة جدااااااااااااااااااااااااااااااا

طب ممكن نزكر مثلا الاسماء ونحاول نختار_عندك مثلا _رضوان_محمد صدقي_احمد جاد_مصطفي البقلي_ كملوا انتوبقي واللي شايف جديد يقولي

لا لا جديد بس استبعد الاستاذ احمد ابوجاد منهم لانه مش ناوى اصلا على كده وبعدين ربنا يديله الصحة ويشفيه ولكن هل من جديد لاعمال كل من ذكرتهم ولا الاعمال مقتصرة على المعازيات والافراح وعلى فكرة المعازيات بس مش الدفنه كمان واجر الثواب احنا نتمني يكون واحد من القلج وليه ميكونش الاثنين أ. محمد صدقي و أ. رضوان ربنا يهدي وفي الاول كلنا ولاد بلد واحدة وعائلات متشابكة في بعض

وائل جاد كتب:

لا المواضيع كتير بس عاوزه ناس تشتغل ممكن نبدأ مثلا بموضوع الملعب الى عند الثانوي لية طالما انك في الوحده المحلية متعملش طلب ونبدأ نشوف حل لانشاء ملعب حقيقي ومركز شباب بلاش مركز شباب ممكن نعمل سور كبير بالجهود الزاتية على المكان نفسة بس طبعا انتا عارف بصفتك شغال في الوحده المحلية زي ما قلت قبل كده لازم الموافقة ياريت تعمل طلب وتلم توقيعات عليه او يوم عمل منظم مكون من مجموعة من الشباب لعمل حاجة بجد الافكار كتير بس عاوزة الى يطبق والصيف جاي قرب ممكن ده يتعمل بدل من السهر بتاع الشباب على القهاوي وبعد ممكن اكلم حد يعمل تصميم تمام للموضوع ده بحيث يكون موضوع اقتصادي يصرف على نفسه فيما بعد والفكرة ياعزيزي نعمل خارج السور مجموعة من المحلات بطول السور( زي سور نادي الزمالك كده هههه) بجد والله ملعبين ثلاثة بالطوول ويكون الملعب في وسط الطريقين طلايق ذهاب وطلايق اياب رايح جاي يعني والملعب والمحلات في المنتصف وبذلك المشروع يصرف على نفسة بس وممكن يتعمل بدون جهود ذاتية اعلان بسيط من الوحدة المحلية عن وجود محلات للايجار بمقدم بسيط ونلم المقدم ونبني السور والمحلات والايجار لمده عشرين اوثلاثين سنة واسعار كويسة 250 مثلا والمقدم عشرة الاف للمحل 3×3 متر شوف هتعمل كام محل ولا نحتاج كمان للجهود الذاتية المشكلة يامحمد ان الواحد بعيد لكن والله انا لو في القلج لاعمل محاولات عديدة لهذا الغرض يابنى دا مطلب لاولادي واخواتك وحبايبك الشباب الى مش هيلاقي غير مرتع المخدرات قدامة يالله نعمل حملة شعبية بجد ومستعد اتحمل مصاريف الدعاية لها كلها هتتكلف الف او الفين كل دي بسيطة في سبيل عمل الخير بس في النهاية الموضوع عاوز موافقات ودي ما اسهلها من المرشحين الى انتم والموضوع اتكتب عشانهم في الاساس يالله نختبرهم نقدم ورقة لمحمد صدقي هيكل ول رضوان الزياتي ونشوف مثلا مين الى هيجري ورا الموضوع ده ويجيب الموافقة ساعتها هيبقي قلبه على البلد بحق مشروع والله جبار وغير عادي ومش هيحتاج تبرعاتولا حاجة محتاج مخ بس وايد في ايد ويالله نبدا بطلب على النت مقدم لمن ترونه ولية مش نضم الاحزاب الوفدية معانا الاستاذ مصطفي البقلي والاستاذ محسن هاشم الناس الى بتترشح دي ولا هو ترشيح وخلاص بقت عاده ولا ايه يالله احب اشوف الردود على الفكرة دي هل فكرة كويسة ولا الدنيا خربانة بالافكار

يارين تقرا الفكرة دي واي حد يبدأ ينفذ ويجري فيها مش مهم مين المهم القلج

ايه انتو نايمين عن الموضوع ده بس للعلم من اهم مواضيع المنتدي التى قرائتها بجد مين يصلح يكون عضو مجلس شعب في القلج يالله ورونا اتو فين ووصلتوا لفين ومين فكر في ان يطلع الاخوة الى بيرشحوا نفسهم على المنتدي يالله لنا الله بارك الله لكم وفيكم وفي من طرح الموضوع والمقترحات الجميلة دي بس يالله نشوف الشغل الصح والعمل الاحترافي ياريت نبدأ الاول بمشاركة كل من يحب يرشح نفسة والى يعرف حد يبلغة لكم سلامي

معلش ياجماعة انا بعيد عنكم شوية لانى بسافر كتير اليومين دول وعلشان كدة مش بقدر ادخل واتواصل معاكم بس انا مبسوط لانى بلاقى ناس بتدخل وتشارك واتمنى انكم تبدأوا تتجمعوا ويكون لكم رأى فى اللى بيحصل فى البلد من خلال النقاشات دىة والفعل هايكون قريب بس لما يبقى لينا قوة وانا محضر لكم مفاجأت كتير هاتشفوها على المنتدى قريب ان شاء الله ومش هاتكون عادية هتبقى فعلا مفيدة جدا
انا بفكر اعمل جزء تعليمى فى المنتدى وده هايكون لبعض الاعضاء النشطين وهيكون عبارة عن قسم للمحاضرات وهايحاضر فيه ناس من برة القلج وناس بتفهم وبتعلم
وكمان هانعمل حوارات مفتوحة مع شخصيات من القلج وبرة وهنحددلها وقت معين واللى عايز يشارك يدخل فى الميعاد الللى نحدده للمشاركات
حسام شاهين

ربنا يوفقك استاذ حسام ونتمنى المزيد لنا وللمنتدي وفقك الله

دش دخل تانى لية مفيش مشاركات فى الموضوع دة غير انا وانتة

لا هذا ولا ذاك الكا فى الضياع الكل يبجث عن مصلحته الشحصبة وبس ولا ايه انت مش معاية

بصراحة الدوره الجاية في الانتخابات دورة المال والنفوذ وننسي موضوع ان يكون عضو مجلس شعب من القلج كفاية المحليات ده الى انا شايفة لان فعلاً مفيش حد ظاهر خالص ( الموضوع مش معازيات وافراح ) الموضوع اكبر من كده

يا جماعة احنا عاوزين واحد يخدمنا صح ولازم يكون مننا عشان يعرف ظروفنا اية ويعرف احوال اهل البلد ويكون عايش معانا فى القلج

اهلا بيك ياميزو فى المنتدى
واحنا بنتكلم وياريت تساهم معانا
واختار حد يمثلنا فى الانتخابات رشح مثلا قول رايك